Azərbaycanda əmək müqavilələrinin 96 faizi, yəni 1,8 milyondan çoxu elektron formada bağlanılıb.
AZƏRTAC xəbər verir ki, bu barədə əmək və əhalinin sosial müdafiəsi naziri Anar Əliyev “Güc biznesdədir” devizi ilə keçirilən “Dayaq” mükafatının təqdim olunması mərasimində deyib.
“Azərbaycan Beynəlxalq Əmək Təşkilatının (BƏT) 59 konvensiyasını və 1 protokolunu ratifikasiya edərək MDB ölkələri arasında liderlərdən biri olub. Cari ildə BƏT ilə sayca üçüncü olan “Layiq əmək üzrə ölkə proqramı” imzalanıb ki, burada da rəqəmsal texnologiyaların tətbiqi prioritetdir”, - deyə nazir qeyd edib.
