Səhiyyə sahəsində korrupsiya xarakterli hüquqpozmaların sayı əhəmiyyətli dərəcədə azalıb. Azadmedia.az-ın “TƏBİB-in 2025-ci ilin yekunları və qarşıdakı dövr üçün planlarına həsr olunmuş” brifinqdə bu barədə TƏBİB-in İcraçı direktoru Vüqar Qurbanov məlumat verib.
Onun sözlərinə görə, 2025-ci ilin 1 yanvar–30 noyabr tarixləri ərzində korrupsiya hüquqpozması ilə bağlı ümumilikdə 392 müraciət qeydə alınıb. Aparılan araşdırmalar nəticəsində həmin müraciətlərdən 26-sı əsaslı hesab olunub və bununla bağlı 36 tibb müəssisəsi əməkdaşı intizam məsuliyyətinə cəlb edilib.
Vüqar Qurbanov diqqətə çatdırıb ki, 2024-cü ilin eyni dövründə bu göstəricilər daha yüksək olub. Belə ki, ötən ilin analoji mərhələsində 517 müraciət daxil olmuş, onlardan 23-ü təsdiqlənmiş və 33 əməkdaş barəsində müvafiq intizam tədbirləri görülmüşdü.
İcraçı direktor vurğulayıb ki, aparılan nəzarət və şəffaflıq tədbirləri nəticəsində tibb sahəsində korrupsiya hüquqpozmalarının sayı ümumilikdə 24,2 faiz azalıb.
