Bu yay “Şamaxı”dan ayrılan Murad Vəliyev karyerasını Estoniyada davam etdirəcək.
Msport.az xəbər verir ki, Azərbaycanın U-21 millisinin sabiq üzvü “Trans Narva” ilə anlaşıb.
Bu barədə yüksək liqa təmsilçisinin mətbuat xidməti məlumat yayıb. 23 yaşlı vingerlə 2027-ci ilin sonuna kimi müqavilə imzalanıb.
Qeyd edək ki, Vəliyev 2002-ci ildə Estoniyanın paytaxtı Tallində dünyaya gəlib. “Levadiya”nın yetirməsi “Kalev”, “Nomme Yunayted” klublarında da çıxış edib.
