ain.az bildirir, Medicina portalına istinadən.
“Tibb bacılarının evdə iynə vurmalarına icazə yoxdur” .
Medicina.az xəbər verir ki, bunu TƏBİB-in İcraçı direktoru Vüqar Qurbanov jurnalistlərə açıqlamasında deyib.
“TƏBİB simvolik xidmət göstərməyin tərəfdarı deyil. Hər venadaxili inyeksiya cərrahi prosedurdur. Bunun üçün xəstənin yanında həkim olmalıdır. Biz marağındayıq ki, bu proses nəzarətdə olsun.
Tibb bacılarının evdə iynə vurmalarına icazə yoxdur. Tibb bacısının ilkin yardım üçün əlində zəruri avadanlıqlar, dərman vasitələri olmalıdır. Bunlar olmadan tibb bacısının xəstəyə iynə vurması ciddi həyati təhlükələrə gətirib çıxara bilər. Əgər vətəndaşımız venadaxili inyeksiyadan həyatını itirsə, bunu bizim vicdanımız qəbul etməz.
Gələcək planlarda bütün bölgələrdə tibb məntəqələrinin yaradılması nəzərdə tutulub. Tibb məntəqələrimiz istədiyimiz səviyyəyə gəlib çıxandan sonra bu xidmət də göstəriləcək”.
medicina.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
