"Trabzonspor"un müdafiəçisi Arsen Bataqovu İtaliyanın "Napoli" klubunun transfer siyahısındadır.
Fanat.Az xəbər verir ki, informasiyanı "Zankaspor" yayıb.
Mənbənin məlumatına görə, İtaliya nəhəngi 23 yaşlı ukraynalı futbolçunu yanvar ayında transfer etmək imkanını araşdırır.
"Trabzonspor" rəhbərliyi ukraynalı stoperə 20 milyon avro qiymət qoyub. Futbolçunun Türkiyə klubu ilə müqaviləsininnmüddəti 2028-ci ilin yayına qədər nəzərdə tutulub.
Müdafiəçiyə "Napoli"dən əlavə, İngiltərənin "Nottingem Forest" və "Kristal Palas", İtaliyanın "Latsio" və "Bolonya" klubları, eləcə də Portuqaliyanın "Benfika" klubu da maraq göstərir.
Bataqov bu mövsüm "Trabzonspor"da bütün rəsmi turnirlərdə 17 oyun keçirib. Müdafiəçinin 2 məhsuldar ötürməsi var.
