ain.az, Banco.az portalından verilən məlumatlara əsaslanaraq xəbər verir.
Müəllif:Mehin Qasımova,Banco.az
ABŞ-da yerləşən investisiya bankı "Citigroup" Bitkoin üçün növbəti 12 ayı əhatə edən yeni qiymət proqnozlarını yayımlayıb.
Banco.az xəbər verir ki, bankın baza ssenarisinə görə, Bitkoinin qiyməti 143 min dollara qədər yüksələ bilər.
Citigroup-un təhlilində bu proqnoz əsasən Bitcoin ETF-lərinə artan vəsait axını və qlobal maliyyə bazarlarında müşahidə olunan canlanma ilə əsaslandırılır. Hesabatda 70 min dollar səviyyəsi Bitkoin üçün kritik dəstək həddi kimi göstərilir.
Analitiklərin qiymətləndirməsinə görə, bu səviyyə qorunduğu təqdirdə, ETF-lərə marağın artması və müsbət bazar əhval-ruhiyyəsi fonunda Bitkoində güclü yüksəliş potensialı formalaşa bilər.
Bununla yanaşı, Citigroup mənfi ssenaridə qlobal iqtisadi tənəzzül riskinə diqqət çəkərək, belə bir vəziyyətdə Bitkoinin qiymətinin 78 500 dollara qədər geriləyə biləcəyini bildirib.
Optimist ssenaridə isə investor marağının və risk iştahının daha da güclənməsi fonunda Bitkoinin 189 min dollar səviyyəsinə qədər yüksəlmə ehtimalının artdığı qeyd olunur.
Daha ətraflı məlumat və yeniliklər üçün ain.az saytını izləyin.
