Ölkənin ilk Regional Televiziyasının üç əməkdaşı təltif edilib FOTO

ain.az, Milli.az portalına istinadən məlumat yayır.

Azərbaycan milli mətbuatının yaranmasının 150 illiyi münasibətilə "Kəpəz" Müstəqil Teleradio Şirkətinin 3 əməkdaşı - Baş direktorun 1-ci müavini Nofəl Dərgahov, Baş Direktorun Yaradıcılıq üzrə müavini Firuzə Əliyeva və redaktoru Natiq Hüseynov "Azərbaycan milli mətbuatının 150 illiyi (1875-2025)" Azərbaycan Respublikasının yubiley medalı ilə təltif edilib.

Milli.Az xəbər verir ki, təltif olunan şəxslər uzunmüddətli və səmərəli fəaliyyəti, peşəkarlığı, operativ və obyektiv informasiya təminatındakı xidmətləri, eləcə də Azərbaycan milli mətbuatının inkişafına verdikləri töhfələrə görə bu yüksək mükafata layiq görülüblər.

Yubiley medalı Azərbaycan Prezidenti İlham Əliyevin 20 fevral 2025-ci il tarixli Fərmanı ilə təsdiq edilmiş müvafiq qanunvericilik dəyişiklikləri əsasında təsis edilib. Onu da qeyd edək ki, Prezident İlham Əliyevin sərəncamı ilə "Kəpəz" Müstəqil Teleradio Şirkətinin baş direktorunun birinci müavini Nofəl Dərgahov "Tərəqqi" medalı ilə də təltif olunub.

Milli.Az

Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.