Aİ Şurası Rusiyaya qarşı iqtisadi sanksiyaları daha altı ay, 31 iyul 2026-cı ilə qədər uzatmaq qərarına gəlib. Şuranın mətbuat xidməti bu barədə 22 dekabrda məlumat verib. Məhdudiyyətlər ticarət, maliyyə, enerji və texnologiya sektorlarını əhatə edir.
Sanksiyalara həmçinin Rusiyadan Aİ-yə neft və müəyyən neft məhsullarının idxalına və ya köçürülməsinə qadağa, bir neçə Rusiya bankının SWIFT sistemindən ayrılması və bir neçə təbliğat media orqanının lisenziyalarının dayandırılması daxildir.
Aİ Şurasının bəyanatında deyilir: “Rusiya Federasiyasının qanunsuz hərəkətləri beynəlxalq hüququn fundamental normalarını, xüsusən də güc tətbiqinə qadağa qoymağa davam etdiyi müddətcə, Aİ tərəfindən tətbiq edilən bütün tədbirləri qorumaq və zərurət yarandıqda əlavə tədbirlər görmək məqsədəuyğundur”.
//Samir Qurbanov, Editor.az
