Sumqayıtda hündürlükdən yıxılan qız ağır xəsarət alıb.
News365.az xəbər verir ki, hadisə şəhərin 10-cu mikrorayonunda yerləşən “Kristal Abşeron” yaşayış kompleksində baş verib.
2006-cı il təvəllüdlü Aysel Əlizadə yaşadığı binanın 4-cü mərtəbəsindən ehtiyatsızlıq nəticəsində yıxılıb.
A.Əlizadə aldığı ağır xəsarətlərlə Sumqayıt şəhər Təcili Tibbi Yardım Xəstəxanasına çatdırılıb.
Hazırda zərərçəkənin vəziyyəti həkimlər tərəfindən qiymətləndirilir.
Faktla bağlı araşdırma aparılır.
