Bizim media saytına istinadən ain.az xəbər verir.
Kövkəb Səfərəliyeva küçəsi 25 ünvanında yerləşən beşmərtəbəli binanın vəziyyəti qənaətbəxş deyil, bina olduqca köhnə və təmirsizdir. Ətrafında yeni, müasir və hündür yaşayış binaları inşa edilsə də, sözügedən tikiliyə toxunulmayıb. Halbuki bu tip binaların istismar müddəti artıq başa çatıb. Üstəlik, şəhərin mərkəzi küçələrindən birində yerləşən bu bina həm təhlükəsizlik, həm də şəhər görünüşü baxımından uyğun hesab edilmir. Bəs istismar müddəti bitmiş və şəhər mənzərəsinə xələl gətirən bu beşmərtəbəli bina nə üçün hələ də sökülməyib?Bizim.Media xəbər verir ki, Nəsimi rayon İcra Hakimiyyətindən Metbuat.az-ın sorğusuna cavab olaraq bildirilib ki, həmin bina keçmiş tramvay parkının yataqxanası olub:“Bina Nəsimi rayon İcra hakimiyyətinin balansında deyil, binaya 2 saylı XTMKTB-nin 70 saylı MKİS-i xidmət göstərir.Hazırda binada məcburi köçkünlər yaşayır. Binada yaşayan sakinlərdən 15-ə yaxın ailə bir neçə il əvvəl “Azəryolservis MMC” tərəfindən kompensasiya ödənilərək köçürülüb. Hal-hazırda məcburi köçkünlər üçün Bakı şəhərində mənzillərin tikilməsi nəzərdə tutulmadığından azad olunmuş ərazilərdə yaşayış məntəqələri tikildikcə mərhələli şəkildə həmin sakinlərin ora köçürülməsi nəzərdə tutulub. Bütün bunlara baxmayaraq, binanın əsas küçə tərəfindən qarşısına təhlükəsizlik hasarı tərəfimizdən quraşdırılıb”.İcradan qeyd edilib ki, bina şəhərin ümumi estetik görünüşunə xələl gətirdiyi üçün aidiyyəti qurumlar bununla bağlı məlumatlandırılıb.
Bizim.Media
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
