futbolpress-az saytından əldə olunan məlumata görə, ain.az məlumat yayır.
“Karvan-Yevlax” Premyer Liqada II dövrəni bir qələbə ilə başa vuran yeganə kollektivdir.
6 xalla turnir cədvəlinin sonuncusu – 12-cisi olan bölgə təmsilçisi 16 turda 12 dəfə uduzub, 3 dəfə heç-heçə edib. Rəqib qapılarına 12 qol vuran yevlaxlılar 34-nü də buraxıb.
Mövsümə Azər Həşimovun rəhbərliyi altında başlayan komanda çempionatda yeganə qələbəsini də məhz ikinci turda “Kəpəz”lə oyunda qazanıb – 3:2. Yevlax klubu bu mövsüm ümumilikdə bütün rəsmi oyunlar daxil olmaqla iki qələbə qazanıb. Digər qalibiyyət kubokda II Liqa təmsilçisi “Sheki City”ə qarşı olub.
Uğursuz nəticələrə görə Həşimovla qeyri-rəsmi vidalaşan “Karvan-Yevlax”ı Füzuli Məmmədov çalışdırır. Komanda onun rəhbərliyi altında da uğursuzluğa son verə bilmir. Kubokla “Qarabağ”a uduzaraq vidalaşan bölgə təmsilçisi liqada mütəxəssisin başçılığı altında bir xal qazanıb.
Şahin Cəfərov
Hadisənin gedişatını izləmək üçün ain.az saytında ən son yeniliklərə baxın.
