Əsədin dəbdəbəli həyatı ÜZƏ ÇIXIB
Ajans.az xəbər verir ki,bu barədə The New York Times (NYT) öz mənbələrinə istinadən məlumat yayıb. Qəzet yazır ki, Moskvada yaşayan suriyalı mühacirlərdən biri şəhərin ən hündür göydələnlərindən birində yerləşən restoranda nahar edərkən gözlənilməz qarşılaşma ilə üzləşib. Belə ki, 62-ci mərtəbədə, panoramik mənzərəsi ilə tanınan və adətən Rusiya siyasi elitasının üzvləri və xarici məşhurların ziyarət etdiyi “Sixty” restoranında onunla eyni masada nahar edən şəxsin Bəşər Əsəd olduğu məlum olub. Mənbələrin bildirdiyinə görə, Əsəd ailəsinin dəbdəbəli həyat tərzi Moskvaya köçdükdən dərhal sonra başlayıb. İlkin mərhələdə onlar gecəlik xərci həftə ərzində 13 min dollara çatan “Four Seasons” otelindəki lüks mənzillərdə yaşayıblar. Daha sonra isə keçmiş Suriya lideri və ailəsi Moskva-Siti ərazisində yerləşən Federasiya Qülləsindəki iki mərtəbəli penthausa köçüb. Keçmiş Suriya rəsmisinin sözlərinə görə, Əsəd ailəsi sonradan Moskvanın elit yaşayış bölgələrindən biri olan Rublyovkada məskunlaşıb. Həmin mənbə həmçinin qeyd edib ki, Rusiya kəşfiyyat xidmətləri ailənin təhlükəsizliyini təmin etməklə yanaşı, onların hərəkətlərini də nəzarətdə saxlayır. NYT-nin məlumatına əsasən, Əsəd ailəsinin Moskvadakı həyatı yüksək səviyyəli mühafizə və geniş maliyyə imkanları ilə müşayiət olunur.
