Bizimyol portalından verilən məlumata əsasən, ain.az bildirir.
Venesuelanın Prezidenti Nikolas Maduro bildirib ki, ölkə BMT Təhlükəsizlik Şurasının güclü dəstəyini alır.
Bizimyol.info xəbər verir ki, bu barədə Maduro Karakasda keçirilən Milad yarmarkasını ziyarət edərkən bildirib.
"Təhlükəsizlik Şurası Venesuelaya böyük dəstək verir və sərbəst gəmiçiliyin və sərbəst ticarətin qorunmasını təmin edir", - deyə o qeyd edib. Maduro bu açıqlamanı Venezolana de Televisión kanalında yayımlanan tədbirdə verdi. Dövlət başçısı ABŞ-ın gəmiləri müsadirə etməsini piratlıq adlandırdı və "heç kim Venesuelanı məğlub edə bilməz" deyib.
BMT Təhlükəsizlik Şurasının ABŞ-ın Karib dənizində hərbi mövcudluğunun artması və Venesuela nefti daşıyan iki tankerin müsadirə edilməsi ilə bağlı keçirilən iclası 23 dekabrda Karakasın tələbi ilə baş tutdu.
Rusiyanın BMT-dəki daimi nümayəndəsi Vasili Nebenzya çıxışında "Venesuela xalqının üzləşdiyi sınaqlara qarşı həmrəylik" göstərdiklərini və Nikolas Maduronun hökumətinin "öz vətəninin milli maraqları və suverenliyini qorumaq" istiqamətindəki siyasətini dəstəklədiklərini vurğuladı. "Biz əminik ki, beynəlxalq hüququn boş ifadə olmadığını qəbul edən hər kəs Venesuelanın yanında olmağa borcludur", - deyə Nebenzya əlavə edib.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
