Comex birjasında (Nyu-York Əmtəə Birjasının bölməsi) 2025-ci ilin fevral ayında tədarük ediləcək qızıl fyuçerslərinin qiyməti tarixi maksimumu yeniləyərək bir troya unsiyası üçün 4 550 dollar həddini keçib. Bu, ticarət meydançasının məlumatlarından məlum olur.
Bakı vaxtı ilə saat 05:23-ə olan məlumata görə, qiymətli metalın dəyəri bir troya unsiyası üçün 4 553,4 dollar (+1,88%) təşkil edib.
Saat 06:15-ə olan vəziyyətə görə isə qızılın qiymət artımı zəifləyib və bir troya unsiyası üçün 4 540 dollar (+1,58%) səviyyəsində olub.
Eyni zamanda, Comex birjasında 2026-cı ilin mart ayında tədarük ediləcək gümüş fyuçerslərinin qiyməti bir troya unsiyası üçün 72,325 dollara (+5,48%) qədər yüksəlib.
