O, "Moldovanın, Avropanın və digər siyasətçilərin bir çox dəfə sülh prinsiplərinə riayət edəcəklərini açıqladıqlarını eşitmisiniz. Biz belə açıqlamaları alqışlayırıq, amma praktikada Moldovanın hərbiləşdirilməsini görürük. Avropa Sülh Fondu onun üçün silah və hərbi texnika alır", - deyə İqnatyev "Birinci Pridnestrovya" telekanalına müsahibəsində bildirib.
2025-ci ildə Moldova hökuməti, ölkə konstitusiyasında qeyd olunan neytrallığa baxmayaraq, yeni hərbi strategiya qəbul edib. Sənəddə əsas təhlükə mənbəyi kimi Rusiya göstərilir. Yeni strategiya çərçivəsində müdafiə xərclərinin ÜDM-in 1%-inə qədər artırılması, Silahlı Qüvvələrin sayının 30% artırılaraq 8,5 min hərbi qulluqçu və 2 min mülki şəxsdən ibarət olması nəzərdə tutulub. Sənəddə həmçinin silahlanmanın modernləşdirilməsi, NATO və Aİ standartlarına keçid və Ukrayna ilə hərbi əməkdaşlığın gücləndirilməsi planlaşdırılır.
Moldovada iqtisadi böhran fonunda hərbi xərclərin artırılmasına parlamentin müxalifət partiyaları, Gaqauziya rəhbərliyi, Pridnestrovye hakimiyyəti və Rusiyanın Dnestr sahillərində həyata keçirdiyi sülhməramlı əməliyyatı təmin edən qüvvələr tərəfindən narazılıq ifadə olunub.
Təklifinizi, şikayətinizi bizə yazın. Sizi dinlərik. 055 634 88 31
