ABŞ prezidenti Donald Tramp bir neçə Amerika televiziya kanalını tənqid edərək, onların xəbər və əyləncə proqramlarının ona və Respublikaçılar Partiyasına qarşı mənfi mövqedə olduğunu iddia edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
"Əgər televiziya xəbər buraxılışları və onların axşam şouları Prezident Donald Trampa, MAGA hərəkatına və Respublikaçılar Partiyasına qarşı 100% mənfidirsə, onların son dərəcə dəyərli yayım lisenziyaları ləğv edilməməlidirmi? Mən "bəli" deyərdim!", - o bildirib.
Başqa bir paylaşımda Tramp CBS, ABC və NBC-də gecə əyləncə proqramlarının aparıcılarını tənqid edərək, onların üç ortaq cəhətinin - istedadsızlıq, yüksək maaşlar və son dərəcə aşağı reytinqlər olduğunu qeyd edib.
