Azərbaycanın minifutbol üzrə milli komandasının baş məşqçisi Elşad Quliyev Gənclər və İdman Nazirliyi tərəfindən təşkil edilən ilin idman yekunlarına həsr olunmuş tədbirdə “Qeyri-olimpiya idman növləri üzrə ilin məşqçisi” nominasiyasında qalib olub.
Bundan əlavə, Azərbaycan minifutbol yığmasının baş məşqçisi "2025-ci ilin kişilərdən ibarət ən yaxşı milli komandası" nominasiyasında qalib olub.
İdman.Biz bu uğurla bağlı baş məşqçi Elşad Quliyevdən münasibət öyrənib.
“Düzünü desəm, öz qələbəmi gözləmirdim. Düşünürəm ki, sadəcə ona görə bəxtim gətirdi ki, futbol və minifutbol olimpiya və qeyri-olimpiya idman növləri kimi ayrıldı - əks halda şübhəsiz ki, Qurban Qurbanov qalib gələrdi (gülür). O, buna ən azı ona görə layiq idi ki, komandası ölkəmizdə stadionlara 30–40 min azarkeş toplayan yeganə komandadır.
Bizim komandaya gəldikdə isə, bəli – elə bir nəticə göstərdik ki, bunu nə görməməzliyə vurmaq, nə də qiymətləndirməmək mümkün idi. Hər gün və hər il Azərbaycan millisinin hansısa idman növü üzrə dünyanın ən güclüsü olması baş vermir. İdmançılarımızın zəhmətinin bu qədər nüfuzlu nominasiyada qələbə ilə qiymətləndirilməsinə çox sevinirəm”, - deyə Elşad Quliyev bildirib.
