ABŞ, Avropa və bir sıra Asiya ölkələrində Milad tətili ilə əlaqədar ticarət aktivliyinin aşağı olması səbəbindən çərşənbə günü xam neftin qiymətləri bir qədər aşağı düşdü.
Banco.az xəbər verir ki, Londonun ICE Futures birjasında Brent markalı xam neftin fevral fyuçersləri 0,14 dollar (0,2%) ucuzlaşaraq bir barel üçün 62,24 dollara çatıb.
Nyu-York Ticarət Birjasında (NYMEX) WTI markalı xam neftin fevral fyuçersləri isə 0,03 dollar (0,05%) ucuzlaşaraq bir barel üçün 58,35 dollara çatıb.
Treyderlər Venesueladakı hadisələri, eləcə də Rusiya-Ukrayna münaqişəsinin həlli üçün danışıqları izləməyə davam etdilər. Bununla belə, analitiklər qeyd edirlər ki, gələn il qlobal neft tədarükünün artması gözləntiləri qiymət artımlarına mane olan amildir.
Cümə axşamı günü ABŞ-da, əksər Avropa ölkələrində və bir sıra Asiya ölkələrində fond birjaları Milad şənlikləri səbəbindən bağlıdır.
