ABŞ Daxili Təhlükəsizlik Nazirliyi son 11 ay ərzində İmmiqrasiya və Gömrük Mühafizəsi (ICE) tərəfindən müxtəlif cinayətlərə görə saxlanılan xarici vətəndaşların onlayn məlumat bazasını yeniləyib.
Herbiand.az xəbər verir ki, nazirliyin bir bölməsi olan ICE, ABŞ-dan qanunsuz immiqrantların tapılması və deportasiyası üzrə ixtisaslaşıb. "Pislərin ən pisi" adlandırılan cinayətkarların siyahısı 26 dekabr cümə günü gecəsi agentliyin veb saytında dərc olunub.
Siyahıda 165 ölkədən olan şəxslər var. Olnların əksəriyyəti Latın Amerikası ölkələrinin vətəndaşlarıdır: məlumat bazasında bir neçə min meksikalı var. Yeni siyahıya həmçinin 22 Ermənistan vətəndaşı, üç Qazaxıstan vətəndaşı, 2 belarus, 2 gürcü və 1 moldavlı daxildir. Siyahıya 27 Ukrayna və 18 Rusiya vətəndaşının da adı əlavə edib.
