ain.az, Metbuat portalına istinadən məlumatı açıqlayır.
Sevginin, ayrılığın ağrısı və könül fəryadı… Onun misralarında eşq bəzən gülüstan, bəzən isə məzarıstan kimi təsvir olunur, klassik üslub isə şeirlərə xüsusi ruh qatır.
Metbuat.az gənc şair Məhəmməd Asifoğlunun duyğu dolu şeirlərini oxuculara təqdim edir:
Dünya mənə sənlə gözəlim baği gülüstandır.
Sənsiz ola bilməm, mənədünya məzarıstandır.
Eşqin ilə çarpar ürəyim, ahu-fəğan eylər
Hüsnün mələyin oxşarı ruhun isə şeytandır.
Sən naz edib eşqində məni sərsəri etdikcə
Canım sənə qurban axı canım sənə heyrandır.
Mən tək ola bilməz gözəlim qaşə,gözə vurğun
Qaşları kamandır nigarın,gözləri məstandır
Sən varlığın ilə elədin Dərvişi biçarə
Getmə sənə qurban yetimin halı pərişandır.
*** *** ***
Rəzil olsam bu eşq içrə yenə candan dönən yoxdur
Əzəldən bil bir olmuşdur sevən könlün ümidgahı.
Qəfəs dustağı bülbültək çığırmaqdan səsim batmış
Sən ey bağım, gülüstanım kar ol duyma bu əfğanı.
Arasından ötüb illər o xoş günlər keçib amma,
Nə həsrət atəşi sönmüş, nə dinmiş ruhumunahı.
Səndən özgə sevənmədim, bu dünyada ey gözəlim,
Əzizim, bil sən olmuşdun, məhəbbət mülkümün şahı.
*** *** ***
Ey təbibim, rəhm qıl könlüm yaman qəmxar olub
Sən ona get get deyirsən ol fəqət biar olub
Sındırırsan məhv edirsən könlümü bir nəsnə tək,
Könlüm ey zülfi pərişan gör necə bimar olub
Mən tərəddüd eylərəm söz söyləyərkən hüsnünə,
Ol səbəbdir hüsnün ey gül, gül təki gülzar olub
Bir zaman yaz nəşəsi, bülbül kimi cəh cəh edən,
Könlüm indi fəsli qış,bülbül gəzən yer qar olub
Yox səbəbkar məndən ayrı, hicrana bani mənəm
Bilməmişdim ayrılıq car eyləyənlər, xar olub
Sən cəhan nuru günəşsən, mən qəriban bir gecə
Bəllidir hər bir gecə bir şöləyə düçar olub
Kölgə tək arxanca gəlmiş dərd kədər hicran fəraq,
Çoxluq içrə yox kimi, can cismimə gör dar olub?!
Dərvişa, yol görsənir son mənzilin gəl-gəl deyir,
Gördüyün üz-duyduğun səs Əzrayıldan var olub.
Daha ətraflı məlumat və yeniliklər üçün ain.az saytını izləyin.
