ain.az, Moderator.az portalından verilən məlumatlara əsaslanaraq xəbər verir.
AFFA İntizam Komitəsi Azərbaycan Premyer Liqasının XVI turunda keçirilən "Karvan-Yevlax" - "Neftçi" oyununda baş verənlərlə bağlı qərar qəbul edib.
Moderator.az qurumun saytına istinadən xəbər verir ki, Misli Premyer Liqasında XVI turun "Karvan-Yevlax" - "Neftçi" oyunu (1:2) bitdikdən sonra meydançaya kənar şəxslər daxil olduğuna və bu hal cari mövsümdə ikinci dəfə təkrarlandığına görə ev sahibi komanda beş min manat cərimə edilib.
Həmçinin, "Karvan-Yevlax"ın beş futbolçusu sarı vərəqə aldığı üçün 700 manat cərimələnib.
Görüşün 90+8-ci dəqiqəsində qonaqların azarkeşləri tərəfindən meydançaya kənar əşya atıldığına və bu hal cari mövsümdə dördüncü dəfə təkrarlandığına görə "ağ-qaralar" dörd min manat cərimə olunub.
Eyni zamanda oyun bitdikdən sonra azarkeşləri tərəfindən rəqib komandanın avtobusuna vurulmuş zərərin "Neftçi" tərəfindən qarşılanmasına qərar verilib.
Ən son xəbərləri və yenilikləri almaq üçün ain.az saytını izləyin.
