BAKI, 29 dekabr. TELEQRAF
Polşa Baş naziri Donald Tusk Rusiya-Ukrayna müharibəsinin dayandırılması üzrə danışıqlarının başa çatması perspektivini uzaq hesab edir.
Teleqraf xəbər verir ki, bu barədə o, X sosial şəbəkəsində yazıb.
Tusk ABŞ və Ukrayna prezidentləri Donald Trampla Volodimir Zelenski arasında keçirilən görüş barədə bildirib: “Danışıqlar hələ bitməyib”.
Polşa Baş naziri ABŞ-nin Ukrayna üçün təhlükəsizlik zəmanətlərində iştirakını açıqlamasının uğurlu nəticə olduğunu deyib.
Tusk əlavə edib ki, Rusiyanın şərtləri ilə sülh sazişinin bağlanması Qərb və Ukrayna üçün məğlubiyyət demək olacaq.
