2025-ci ilin yanvar-oktyabr aylarında Azərbaycana 9 881.77 ton şampun idxal olunub. İdxalın ümumi dəyəri 31 milyon 436.78 min ABŞ dolları təşkil edib. Eyni dövrdə şampun ixracı isə 4.46 ton, dəyər ifadəsində 32.17 min ABŞ dolları olub.
Ölkə.az rəsmi statistikaya istinadən xəbər verir ki, 2024-cü ilin analoji dövrü ilə müqayisədə idxalda artım, ixracda isə ciddi azalma qeydə alınıb. Belə ki, ötən ilin yanvar-oktyabr aylarında ölkəyə 9 685.23 ton şampun idxal edilmiş və idxalın dəyəri 27 milyon 686.42 min ABŞ dolları təşkil etmişdi. Bu dövrdə şampun ixracı isə 21.31 ton, dəyəri 94.36 min ABŞ dolları olub. Müqayisə göstərir ki, 2025-ci ildə şampun idxalı həcm baxımından təxminən 2%, dəyər ifadəsində isə 13.5% artıb, ixrac isə həcm baxımından təxminən 4.8 dəfə, dəyər baxımından isə təxminən 2.9 dəfə azalıb.
2025-ci ildə şampun idxalında əsas pay Türkiyənin payına düşüb. Bu ölkədən 4 093.20 ton şampun idxal edilib və dəyəri 10 milyon 269.56 min ABŞ dolları olub. Digər iri tədarükçülər sırasında Rusiya (1 532.05 ton - 5 milyon 734.54 min dollar), Rumıniya (1 080.35 ton - 4 milyon 839.82 min dollar), İran (1 202.10 ton - 1 milyon 810.52 min dollar), Birləşmiş Ərəb Əmirlikləri (403.32 ton - 2 milyon 120.75 min dollar) və Çin (425.33 ton - 1 milyon 49.29 min dollar) yer alıb.
2024-cü ildə də idxalda əsas tərəfdaş Türkiyə olub. Həmin dövrdə bu ölkədən 4 492.17 ton şampun idxal edilib və idxalın dəyəri 10 milyon 57.26 min ABŞ dolları təşkil edib. Rumıniya (1 416.10 ton - 5 milyon 334.47 min dollar), Rusiya (1 150.76 ton - 4 milyon 67.8 min dollar) və İran (1 084.88 ton - 1 milyon 652.95 min dollar) da əsas idxal mənbələri sırasında yer alıb.
2025-ci ildə şampun ixracı əsasən Gürcüstan (1.97 ton - 7.01 min dollar), Rusiya (1.36 ton - 7.56 min dollar), Türkiyə (0.65 ton - 16.01 min dollar) və Qazaxıstan (0.04 ton - 0.55 min dollar) istiqamətində həyata keçirilib. 2024-cü ildə isə ixracın əsas hissəsi Gürcüstan (13.07 ton - 35.70 min dollar), Rusiya (5.74 ton - 27.65 min dollar) və Türkiyə (0.87 ton - 24.93 min dollar) hesabına formalaşmışdı.
