Ajans.az xəbər verir ki, bu barədə "BelTA" agentliyi məlumat yayıb. "Kəşfiyyatımız bizə məlumat verdi. Qərbdən Rusiya prezidentinə qarşı terror hücumu hazırlandığı barədə şayiələr yayılırdı", - Lukaşenko deyib. O, 2023-cü ildə CAR-da keçirilən BRICS sammitindən əvvəl Rusiya lideri ilə apardığı dialoqu xatırlayıb. Lukaşenko Putini mümkün sui-qəsd cəhdi səbəbindən tədbirdə şəxsən iştirak etməmək barədə xəbərdar edib. "Müharibə gedir, ona görə də oraya uçmağa ehtiyac yoxdur. Kimlərinsə ehtiyacı varsa, onlar özləri sizin yanınıza gələcəklər", - deyə o zaman Belarus prezidenti rusiyalı həmkarına bildirib.
