BAKI, 2 yanvar. TELEQRAF
Amerikalı aktyor Tommi Li Consun qızı Viktoriya Kaliforniyada yerləşən hoteldə ölü vəziyyətdə tapılıb.
Teleqraf xəbər verir ki, bu barədə "TMZ" portalı hüquq-mühafizə orqanlarındakı mənbələrə istinadən məlumat yayıb.
Məlumata görə, Viktoriyanın cəsədi yanvarın 1-i səhər tezdən San-Fransisko şəhərindəki hoteldə aşkar edilib. Polis əməkdaşları hadisə ilə bağlı daxil olan məlumat əsasında hadisə yerinə gəliblər.
Bildirilir ki, hadisə yerinə məhkəmə-tibbi ekspert cəlb olunub və araşdırma aparılıb. Hazırda Viktoriyanın ölüm səbəbi müəyyən edilməyib.
