Nigeriyada baş verən ölümcül qəza zamanı keçmiş dünya çempionu Entoni Coşuanın olduğu avtomobili idarə edən 46 yaşlı Adeniyi Mobolaji Kayode 2 yanvar cümə günü Saqamu Magistrat Məhkəməsində ittiham olunub.
Publika.az xəbər verir ki, bu barədə BBC məlumat yayıb.
Polis mənbələri BBC-yə bildiriblər ki, ittihama təhlükəli sürücülük nəticəsində ölümə səbəb olmaq daxildir.
Keçmiş dünya çempionu Entoni Coşua dostları ilə birlikdə ölkəyə tətilə gəldikdən sonra Laqos-İbadan magistral yolunda avtomobil qəzası baş verib. Onun olduğu “Lexus” avtomobili hərəkətsiz vəziyyətdə olan yük maşınına çırpılıb.
