Kolumbiya Prezidenti Qustavo Petro ABŞ Prezidenti Donald Trampın ona qarşı irəli sürdüyü narkotik qaçaqmalçılığı ittihamlarını rədd edib və ABŞ-nin Kolumbiyaya hərbi müdaxilə edərək onu həbs etməsi halında ictimai qəzəbin yüksələcəyini bildirərək sərt sözlərlə hədələyib.
Redaktor.az xəbər verir ki, Petro bu açıqlamaları X sosial media saytında yayıb.
Prezident bildirib:
“Mən narkotik satıcısı deyiləm. Yeganə aktivim ailə evimdir və onu hələ də maaşımla ödəyirəm. Bank çıxarışlarım dərc olunub. Heç kim deyə bilməz ki, maaşımdan çox xərcləmişəm. Mən acgöz deyiləm”.
O, həmçinin vurğulayıb ki, Kolumbiya dövlətinin narkotik qaçaqmalçılığı ilə mübarizə apardığını və “tarixin ən böyük kokain müsadirəsini” əmr etdiyini açıqlayıb. Petro orduda heç kimin ABŞ-nin bayrağını Kolumbiya bayrağının yerinə qoymamasını tələb edib və vəziyyət gərginləşərsə, “yenidən silahlanmağa” hazır olduğunu qeyd edib.
Prezident bildirib ki, xalqına güvənir və Kolumbiyalıların onu qanunsuz zorakılıqdan qoruyacağına inanır. O, həmçinin təhlükəsizlik qüvvələrinə “işğalçılara atəş açmaq” əmri verildiyini açıqlayıb.
Petro qeyd edib ki, əgər həbs olunarsa, Kolumbiyalıların əksəriyyətinin ona olan sevgisi və hörməti səbəbindən ictimai qəzəb də “baş qaldıracaq”.
Aminə ŞAHSUVARQIZI
