Olke.az saytından verilən məlumata əsasən, ain.az məlumatı açıqlayır.
"Uzun müddət masa arxasında oturmaq, telefon və kompüterə çox baxmaq boyun və onurğa sağlamlığını təhlükəyə atır".
Ölkə.Az xəbər verir ki, bunu fizioterapevt Nuriyyə Əlibəyli deyib. O bildirib ki, nəticədə boyun ağrısı, başgicəllənmə və duruş problemləri ortaya çıxır:
“Duruşun düzəldilməsi: Fizioterapevt bədən posturasını qiymətləndirir və düzəltməyə yönəlik məşqlər təyin edir.
Boyun və onurğa əzələlərinin gücləndirilməsi: Əzələlər gücləndikcə ağrı azalır və balans bərpa olunur.
Nəfəs və rahatlama texnikaları: Gərginlik və başgicəllənmənin qarşısını alır.
Funksional hərəkət təlimi: Gündəlik fəaliyyətlər zamanı boyun və bel üzərində yükü azaldır”.
Mütəxəssis bu ağrılardan qurtulmaq üçün bir neçə məsləhət də verib:
- Uzun müddət eyni vəziyyətdə oturmamaq, ara verərək gərilmək.
- Ekran yüksəkliyini göz səviyyəsinə gətirmək.
- Yüngül boyun və çiyin məşqləri etmək.
- Ağrı və başgicəllənmə varsa fizioterapevtə müraciət etmək.
“Boyun ağrısı və duruş problemləri fizioterapiya ilə effektiv şəkildə idarə edilə bilər. Düzgün məşqlər və postura diqqəti sağlamlıq və gündəlik rahatlığı artırır”, - deyə o əlavə edib.
Billurə
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
