ain.az, Dogru.az portalına istinadən məlumat yayır.
Baş Dövlət Yol Polisi İdarəsi dumanlı hava şəraiti ilə əlaqədar hərəkət iştirakçılarına müraciət edib.
Doğru.az xəbər verir ki, müraciətdə deyilir:
“Hazırda ölkə ərazisinin bəzi hissələrində müşahidə olunan dumanlı hava şəraiti görünüş məsafəsini kəskin şəkildə azaldır və yol-nəqliyyat hadisələri riskini artırır. Bu şəraitdə həm sürücülərin, həm də piyadaların diqqətli və məsuliyyətli davranışı həyati əhəmiyyət daşıyır”.
Sürücülərə tövsiyə olunur:
Hərəkətə başlamazdan əvvəl duman faralarının və əsas işıqlandırma sistemlərinin sazlığını yoxlayın;
Sürət həddini görünüş məsafəsinə uyğun seçin, qəfil manevrlərdən və ötmələrdən çəkinin;
Öndə hərəkət edən nəqliyyat vasitəsilə təhlükəsiz məsafəni qoruyun;
Zərurət olmadıqca səfərləri təxirə salın;
Dayanma və ya qəza zamanı qəza işıqlarından və xəbərdaredici nişanlardan istifadə edin.
Piyadalara tövsiyə olunur:
Yolu yalnız müəyyən olunmuş piyada keçidlərindən keçin;
Qaranlıq və dumanlı hava şəraitində açıq və ya işıq əks etdirən geyimlərə üstünlük verin;
Yolun hərəkət hissəsinə qəfil çıxmaqdan çəkinin;
Dumanlı havada sürücünün sizi vaxtında görməsinin çətinləşdiyini unutmayın.
Baş Dövlət Yol Polisi İdarəsi bir daha bütün hərəkət iştirakçılarını diqqətli olmağa çağırıb:
“Bir anlıq ehtiyatsızlıq geri dönüşü olmayan nəticələrə səbəb ola bilər. Təhlükəsiz yol – birgə məsuliyyətdir”.
DOĞRU.AZ
Daha ətraflı məlumat və yeniliklər üçün ain.az saytını izləyin.
