Səudiyyə Ərəbistanının rəhbərlik etdiyi koalisiya Yəmənin cənub-şərqindəki Əd-Dali əyalətində “Cənub Keçid Şurası”nın (CKŞ) qüvvələrinə zərbələr endirib.
KONKRET.az teleqraf-a istinadla xəbər verir ki, bu barədə Səudiyyə Ərəbistanının SPA agentliyi məlumat verib.
Agentlik koalisiya general-mayoru Türki əl-Malikinin sözlərinə istinadla bildirib ki, koalisiya düşərgələri tərk edən qüvvələri izləyib və onları Əl-Dali əyalətindəki Əl-Zənd düşərgəsinin yaxınlığındakı binada sıxışdırıb və məhdud qabaqlayıcı zərbələr endirib.
Mənbə zərbələrin separatçı qüvvələri dağıtmaq və CKŞ sədri Aydarus əl-Zübeydinin münaqişəni qızışdırmaq cəhdinin qarşısını almaq məqsədi daşıdığını bildirib.
“Reuters” bundan əvvəl xəbər vermişdi ki, əl-Zübaydi Yəmənin cənubundakı münaqişənin həllini müzakirə etmək üçün keçirilən forumda iştirak etmək üçün Ər-Riyada getməsi planlaşdırılan reysə gəlməyib. BƏƏ tərəfindən dəstəklənən separatçı hərəkatın liderinin harada olduğu məlum deyil.
