Azpolitika.az saytından verilən məlumata əsasən, ain.az məlumatı açıqlayır.
Hazırda həbsdə olan Gürcüstanın sabiq Prezidenti Mixail Saakaşvili Ukrayna Prezidenti Volodimir Zelenskinin son kadr təyinatlarını yüksək qiymətləndirib.
Saakaşvili “Facebook” səhifəsində Zelenskinin Kirill Budanovu Prezident Administrasiyasının (OP) rəhbəri, Sergey Kislitsanı onun müavini, Mixail Fyodorovu isə müdafiə naziri vəzifəsinə irəli sürməsini “tamamilə parlaq kadr gedişi” adlandırıb.
Saakaşvili bildirib ki, Kirill Budanov artıq xalqın sevgisini qazanıb, Sergey Kislitsa isə fəaliyyəti ilə özünü yüksək səviyyədə doğruldub. Onun sözlərinə görə, cəmiyyət Mixail Fyodorovu digər namizədlərlə müqayisədə daha az tanıyır və bu səbəbdən bəzi ekspertlər onun müdafiə naziri postuna uyğunluğunu şübhə altına almağa çalışırlar.
“Mixail Fyodorovun fəaliyyətini uzun illərdir izləyirəm, onu şəxsən tanıyıram və qətiyyətlə deyirəm ki, o, ideal müdafiə naziri olacaq”, – deyə Saakaşvili vurğulayıb.
Sabiq Prezidentin sözlərinə görə, Fyodorov bir neçə mühüm keyfiyyəti özündə birləşdirir: güclü təşkilatçıdır, yeni düşüncəyə malik islahatçıdır və müdafiə naziri üçün xüsusilə vacib olan dürüstlük və korrupsiyaya qarşı prinsipiallıq baxımından “qızıl etalon” sayılır. Saakaşvili qeyd edib ki, Fyodorov artıq böyük idarəçilik təcrübəsinə malikdir və indiyədək hökumətdə ən uğurlu nazirlərdən biri olub.
Saakaşvili şəxsi məqama da toxunaraq bildirib ki, Rusiya həbsində olduğu dövrdə Mixail Fyodorov onu şəxsi məktublarla dəstəkləyib.
O, eyni zamanda bu kadr dəyişikliklərinin daha geniş siyasi məna daşıdığını vurğulayıb. Saakaşvilinin fikrincə, Zelenski hakimiyyətə gələrkən siyasətə yeni simalar gətirəcəyinə söz versə də, ilk mərhələdə təyin olunan şəxslərin əhəmiyyətli hissəsi Prezidentin köhnə dost və tanışları olub və onların çoxu gözləntiləri doğrultmayıb.
“İndi isə Zelenski köhnə çevrənin hüdudlarından tam çıxaraq, həqiqətən yeni insanları irəli çəkib. Məhz bu şəxslər tədricən köhnə siyasi və idarəetmə elitasının böyük hissəsini əvəz edəcəklər. Bu proses Zelenskinin prezident kimi əsas siyasi irsinin mühüm tərkib hissəsinə çevriləcək”, – deyə Saakaşvili bildirib.
Rasim
“AzPolitika.info”
Daha ətraflı məlumat və yeniliklər üçün ain.az saytını izləyin.
