ain.az, Bakivaxti saytından verilən məlumata əsaslanaraq xəbər yayır.
Cənub Qaz Dəhlizi Məşvərət Şurasının növbəti iclası 2026-cı ilin birinci rübünə planlaşdırılıb.
Bakıvaxtı.az xəbər verir ki, bu barədə Trend-in sorğusuna cavab olaraq Azərbaycanın Energetika Nazirliyindən bildiriblər.
"Cənub Qaz Dəhlizi Məşvərət Şurasının 12-ci iclasının bu ilin 1-ci rübü ərzində keçirilməsi nəzərdə tutulur. Tədbirin gündəliyinin hazırlanması ilə bağlı işlər görülür",- deyə qurumdan bildirilib.
Xatırladaq ki, Cənub Qaz Dəhlizi Məşvərət Şurasının 11-ci iclası 4 aprel 2025-ci il tarixində keçirilib.
Cənub Qaz Dəhlizi (CQD) Xəzər regionundan Avropaya təbii qazın nəqlini təmin edir.
CQD üç əsas boru kəməri sistemindən ibarətdir: Cənubi Qafqaz Boru Kəməri (SCP), Trans-Anadolu Boru Kəməri (TANAP) və Trans-Adriatik Boru Kəməri (TAP).
Dəhlizin ilkin ötürücülük qabiliyyəti ildə 10 milyard kubmetr təşkil edir və 20 milyard kubmetrədək artırıla bilər.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
