ABŞ Atlantik okeanında iki həftədən çox davam edən təqibdən sonra rus neft tankerini ələ keçirir.
Redaktor.az bu barədə xarici mediaya istinadla xəbər verir.
Tanker ilkin adı Bella-1 olan gəmi, ABŞ-ın sanksiyalara məruz qalmış tankerlərə qarşı qurduğu dəniz “blokadasını” keçərək Sahil Mühafizəsinin dayandırmaq cəhdlərini dəf etmişdi. ABŞ rəsmisi bildirib ki, əməliyyat Sahil Mühafizəsi və ABŞ silahlı qüvvələri tərəfindən həyata keçirilir.
Daha əvvəl The Times qəzeti xəbər vermişdi ki, Birləşmiş Krallıq, İrlandiya, ABŞ və Fransa rus tankeri “Marinera”nı izləmək üçün hava nəzarətindən istifadə edib.
Rusiya Xarici İşlər Nazirliyi hadisəyə narahatlıqla yanaşdığını açıqlayıb. Nazirlik bildirib ki, gəmi Birləşmiş Ştatlar və NATO hərbi qüvvələrinin diqqətini cəlb etməsinə baxmayaraq, beynəlxalq sularla hərəkət edir və tam olaraq beynəlxalq dəniz hüququ normalarına uyğundur. Nazirlik ABŞ və NATO hərbi qüvvələrinin tankerə göstərdiyi diqqəti “əsassız” adlandırıb.
Nuriyyə NATİQQIZI
