Venesuelanın daxili işlər naziri Nikolas Maduronun qaçırılması əməliyyatı zamanı ölənlərin və yaralananların sayına aydınlıq gətirib.
KONKRET.az cnn-ə istinadla xəbər verir ki, Diosdado Kabello qeyd edib:
“100 nəfər ölüb. Təxminən bir o qədər də yaralı var”.
Kobello ölənlərin “münaqişə ilə əlaqəsi olmadığını” iddia edib.
ABŞ-nin Maduronu ələ keçirmək əməliyyatı zamanı 30-dan çox kubalı həlak olub.
“Mülki vətəndaşlar, evlərində olan qadınlar ölkəmizə atılan güclü bombalarla vurulub”, – nazir izah edib.
Xatırladaq ki, Venesuela ordusu ölən 23 hərbçinin siyahısını dərc edib. Kuba hökuməti isə Venesuelada 32 kubalının öldüyünü bildirib.
