Gəncə şəhərində alüminium zavodunun direktoru Cəmil Səfərov yaşadığı binanın qarşısındakı şəxsi avtomobilində ölü tapılıb. Onun ürək çatışmazlığından vəfat etdiyi bildirilir.
“Yeni Sabah” vəfat edən “Azəralüminium” Gəncə İstehsalat Kompleksinin direktoru C.Səfərovla bağlı maraqlı məqamları araşdırıb:
Cəmil İldır oğlu Səfərov 23 oktyabr 1963-cü ildə Cəlilabad rayonu Gülməmmədli kəndində doğulub. 1981-ci ildə doğulduğu kənddə orta məktəbi bitirib. Həmin il Çingiz İldırım adına Azərbaycan Politexnik İnstitutunun Mexanika fakültəsinə qəbul olub. 1986-cı ildə ali təhsilini başa vurub.
1986-da "Bakı Radioquraşdırma" İB-də əmək fəaliyyətinə başlayıb. 1987-də Su Geologiya Elmi Tədqiqat İnstitutunun aspirantura dərəcəsinə qəbul olub. 1991-də namizədlik dessertasiyasını müdafiə edib.
"Bakı Radioquraşdırma" İB-də müxtəlif vəzifələrdə çalışdıdan sonra 2002-2011-ci illər ərzində Azərbaycan Dövlət Pedaqoji Universitetində müəllim kimi fəaliyyət göstərib.
2000-2004-cü illərdə Rusiya Federasiyası Kurs Dövlət Texniki Universitetində doktorantura təhsili alıb.
2005-ci ildən “Azəralüminium” Gəncə İstehsalat Kompleksinin direktoru vəzifəsində çalışırdı. 2017-ci ildən bu günə qədər Azərbaycan Texnologiya Universitetində elmi-pedaqoji fəaliyyət göstərirdi.
Allah rəhmət eləsin!
Nazim Hacıyev
Telegram kanalımız
