Son günlər ölkədə qrip və kəskin respirator virus infeksiyalarının yayılması müşahidə olunur. Xüsusilə uşaqlar arasında yoluxma hallarının artması valideynləri narahat edir.
Publika.az xəbər verir ki, övladı virusa yoluxan valideynlərdən biri vəziyyəti belə şərh edib: "Üç yaşlı qızım hazırda virusa yoluxub. Bir həftədir ki, bu virusla mübarizə aparırıq. Qızdırma salan və öskürəyə qarşı dərmanlardan istifadə edirik".
Xəstəliyin müddəti barədə danışan başqa bir sakin isə bildirir ki, uşaqlarda əsasən qızdırma halları müsahidə olunur: "Bacım qızı bu xəstəliyə yoluxmuşdu, çalışdıq ki, tez bir zamanda sağalsın. Üç-dörd gün qızdırması oldu, daha sonra dərmanlar vasitəsilə bir həftəyə sağaldı".
Mövcud vəziyyət məktəblərin karantinə bağlanması məsələsini də gündəmə gətirib.
