“Mançester Siti” Bornmut”un vingeri Antuan Semenyonun transferini rəsmən açıqlayıb.
Apasport.az xəbər verir ki, bu barədə “şəhərlilər”in rəsmi saytı məlumat yayıb.
Tərəflər arasında 5,5 illik müqavilə imzalanıb. Mətbuatda yer alan xəbərlərə görə, transferin dəyəri 75 milyon avro (65 milyon funt sterlinq) təşkil edib.
Qeyd olunur ki, Qana millisinin üzvü olan Semenyo İngiltərə Premyer Liqasının dörd klubu – “Çelsi”, “Tottenhem”, “Liverpul” və “Mançester Yunayted”dən gələn təklifləri geri çevirərək “Mançester Siti”ni seçib. Transferin baş tutmasında futbolçunun Xosep Qvardiolanın rəhbərliyi altında oynamaq istəyi həlledici rol oynayıb.
Cari mövsümdə Premyer Liqada 20 oyun keçirən 25 yaşlı vinger 10 qol vurub və 3 məhsuldar ötürmə edib.
Fransa Superkubokunun qalibi bəlli olub - TARİXİNDƏ 14-cü dəfə
“Bavariya” futbolçusunu icarəyə göndərib
Bundesliqada ötən ayın ən yaxşısı bəlli olub
Niderlandlı oyunçu A Seriyasında
Mert Günok rəsmən “Fənəbaxça”da
