Hələb şəhər mərkəzində YPG/SDG-yə qarşı nöqtə əməliyyatları həyata keçirən və döyüşlərdə iştirak edən hərbi mənbələrdən əldə edilən məlumata görə, hərbi birliklər Eşrefiyə və Bəni Zeyd məhəllələrinə daxil olaraq nəzarəti böyük ölçüdə ələ keçirib.
Minalar və əl istehsalı partlayıcı qurğular təhlükəsinə baxmayaraq, məhəllələrdə nəzarətli şəkildə irəliləyən ordu bölmələri axtarış-təmizləmə əməliyyatlarına başlayıb.
Terror təşkilatı ilə ordu birlikləri arasında toqquşmalar məhəllənin bəzi hissələrində, eləcə də Şeyx Məqsud məhəlləsi xəttində davam edir.
Bölgədə döyüşlər davam edərkən terror təşkilatı Hələbdə bir çox mülki yaşayış məntəqələrinə hücumlar təşkil edib.
Terror təşkilatının 6 dekabrdan bəri həyata keçirdiyi hücumlar nəticəsində 9 suriyalı həyatını itirib, əksəriyyəti mülki olmaqla 55 nəfər yaralanıb.
Digər tərəfdən, əməliyyatlar zamanı çox sayda YPG/SDG üzvü saxlanılıb. Hələb Valiliyi saxlanılan terrorçuların fotolarını paylaşıb.
