ain.az xəbər verir, Azvision saytına əsaslanaraq.
AzVision.az xəbər verir ki, Ukrayna Dövlət Təhqiqatlar Bürosu (DBİ) belə məlumat yayıb, ölkənin Baş prokuroru Ruslan Kravçenko isə bununla bağlı sosial şəbəkələrdə paylaşım edib. “Təchizatçı şirkətlərdən biri Müdafiə nazirliyinin Hərbi-Texniki Siyasət Departamenti, Müdafiə Təchizatları Agentliyi və USQ-nin Maddi-Texniki Təchizat qüvvələri Komandanlığı ilə 10 milyard qrivnadan UAH-dan çox dəyərində beş əsas müqavilə imzalayıb. Bu müqavilələr 360 mindən çox müxtəlif növ minaların tədarükünü nəzərdə tuturdu. Nəticə fərqli olub: ortada nə tam işlək minlar, nə də dövlət vəsaiti var”, - Kravçenko diqqətə çatdırıb. 
Ukraynadakı qalmaqal kimə sərf edir?
İstintaqın məlumatına görə, cinayətkar təşkilatın üzvləri onların döyüş sursatı hazırlamaq və tədarük etmək qabiliyyətinə dair uydurma görüntü yaradıblar. Bunun üçün onlar əvvəllər heç vaxt mina istehsalı ilə məşğul olmayan, lakin çox milyardlıq avanslarla Ukrayna Müdafiə nazirliyinin müqavilələrinə çıxış qazanan məhdud məsuliyyətli cəmiyyətdən istifadə ediblər. - Hərbi məmurları və hərbi nümayəndələri çaşdırmaq üçün müttəhimlər şirkətin maliyyə göstəricilərini süni şəkildə şişirdiblər. 2022-ci ilin sonunda onlar əlaqəli qurumlar arasında kütləvi şəkildə vəsait köçürərək, yüksək dövriyyə və maliyyə sabitliyi görüntüsü yaradıblar”, - istintaq materiallarında bildirilir. Eyni zamanda, müttəhimlər PVP-50 və PVP-200 piyada əleyhinə minaların, eləcə də MPT-23P2 tank əleyhinə minaların texniki və layihə sənədlərinin hazırlanmasını təşkil ediblər.
Bu sənədlərdə bilərəkdən yalan məlumatlar göstərilib: onlar faktiki belə qurğularla istifadə oluna bilməyən detonatorları, partlayıcı qurğuların faktiki çəkisini çox göstərməklə yanaşı, kimyəvi tərkibə uyğun olmayan partlayıcı maddələrin istifadəsini nəzərdə tutublar. Xatırladaq ki, ötən ilin noyabrında Ukrayna Milli Antikorrupsiya Bürosu (UMAB) və Korrupsiyaya Qarşı Mübarizə üzrə Xüsusi Prokurorluq (SAPO) “Enerqoatom”dakı mənimsəmələrə görə ölkənin bir neçə nazirinə və tanınmış şəxslərinin korrupsiya əməlləri barədə qalmaqallı materiallar açıqlayıb. Həmin xəbərlər fonunda Ukrayna prezidenti ofisinin rəhbəri Andrey Yermak və baş nazirin müavini Aleksey Çernışov, iki nazir və bir neçə siyasətçi istefa veriblər və ya vəzifədən uzaqlaşdırılıblar. Sahil İsgəndərov
AzVision.az
Hadisənin gedişatını izləmək üçün ain.az saytında ən son yeniliklərə baxın.
