“Çelsi”yə yeni baş məşqçi gəldi

“Çelsi”nin yeni baş məşqçisi müəyyənləşib. Bu vəzifəyə Liam Rosenyor təyin olunub.
Entso Mareskanı istefaya göndərən klub rəhbərliyi 41 yaşlı mütəxəssislə müddəti 2032-ci ilin yayına qədər nəzərdə tutulan müqavilə imzalayıb. Rosenyorun məşqçi karyerası əsasən İngiltərənin aşağı liqaları ilə bağlı olub. O, “Derbi Kaunti” (1-ci liqa) və “Hall Siti” (çempionşip) klublarında çalışıb. 2024-cü ildən isə “Strasbur”a rəhbərlik edib.
Qeyd edək ki, “Strasbur” və “Çelsi” eyni sahiblərə məxsusdu və Fransa klubu faktiki London təmsilçisinin farm-klubu hesab olunur. “Strasbur” bu mövsüm Rosenyorun rəhbərliyi altında Konfrans Liqasının qrup mərhələsini qalib kimi başa vurub, hazırda çempionatda 7-ci yerdə qərarlaşıb.

• Futbol
• Müqavilə
• Baş Məşqçi
• Liam Rosenyor