ABŞ administrasiyası və Ukrayna rəsmiləri Rusiya-Ukrayna münaqişəsinin mümkün həlli planı üzərində razılığa gəliblər. Vaşinqton Rusiyadan sülh yolu ilə həll ilə bağlı “aydın cavab” gözləyir.
Editor.az xəbər verir ki, “Axios” mənbələrə istinadən xəbər verir ki, ABŞ sülh planının “demək olar ki, bütün aspektləri üzrə Ukrayna ilə razılığa gəlib”. Görüşdə iki ölkənin nümayəndələri xüsusilə iki mübahisəli məsələyə diqqət yetiriblər: Ukrayna üçün təhlükəsizlik zəmanətləri və Kiyev tərəfindən mümkün ərazi güzəştləri. İndi Ağ Ev Rusiya prezidenti Vladimir Putindən düzəliş edilmiş sülh planı ilə bağlı cavab gözləyir.
Nəşrin məlumatına görə, ABŞ prezidentinin xüsusi nümayəndəsi Stiv Vitkov və ABŞ prezidentinin kürəkəni Cared Kuşner planın yeni versiyasını Rusiya prezidentinin nümayəndəsi Kirill Dmitriyevə təqdim ediblər. Onlar ABŞ-ın Ukrayna və Avropa ölkələrinin nümayəndələri ilə iki günlük danışıqlarından sonra Parisdə görüşüblər. Ukrayna prezidenti Volodimir Zelenski “Fox News”a verdiyi müsahibədə bildirib ki, Kiyev tərəfindən hazırlanan 20 maddəlik sülh planı Qərb tərəfdaşları ilə demək olar ki, 100% razılaşdırılıb.
//Samir Qurbanov, Editor.az
