Azpolitika.az portalından verilən məlumata görə, ain.az xəbər yayır.
ABŞ Rusiya neftini daşıyan daha bir tankeri ələ keçirib.
“AzPolitika” xəbər verir ki, internetdə amerikalıların "Olina" neft tankerini ələ keçirməsinin videosu yayılıb.
Şərqi Timor bayrağı altında üzən “Olina” tankeri Venesuela sahillərindəki dəniz blokadasından qaçdıqdan sonra Karib dənizində ABŞ qüvvələri tərəfindən saxlanılıb. “Reuters” agentliyinin məlumatına görə, gəmi əvvəl Venesuelanı tərk edib, sonra bölgəyə qayıdıb və orada saxlanılıb. Bu, son həftədə Vaşinqtonun ələ keçirdiyi beşinci tankerdir. Gəmi Honkonqda qeydiyyatdan keçmiş “Tantye Peur” şirkətinə məxsusdur.
“Olina” ABŞ, AB və Böyük Britaniyanın sanksiyalarına məruz qalan neft tankeridir. Gəmi hazırda naməlum bayraq altında üzür, baxmayaraq ki, 2025-ci ildə San-Tome və Prinsipinin bayrağı altında üzürdü.
Tanker Rusiya neftinin və neft məhsullarının Baltik, Qara və Sakit okean dənizlərindəki limanlardan, əsasən Çin, Hindistan və Türkiyəyə ixracında iştirak edirdi. “Greenpeace” təşkilatı “Olina”-nı Rusiya neftini daşıyan və ətraf mühitə təhlükə yaradan kölgə tanker donanmasının bir hissəsi kimi təsnif edir.
“AzPolitika.info”
pic.twitter.com/hU3YpGJxNy
— Newsfeed (@Newsfeed883920) January 9, 2026 Ən son xəbərləri və yenilikləri almaq üçün ain.az saytını izləyin.
