Əgər katolikos 10 yepiskopun etiraz səslərini qaldırmasını istəmirdisə, onda arxiyepiskop Arşak Xaçatryan haqqında materiallar dərc etməkdən çəkinməli idi.
Bu barədə jurnalistlərlə Masiatsotn yeparxiyasının rəhbəri vəzifəsindən kənarlaşdırılmış yepiskop Gevork Saroyan bildirib.
"Bu materiallar katolikosun əmri ilə dərc edilib. Onlar arxiyepiskop Arşakın həbs olunmamasından çox narahat idilər; yalnız iki arxiyepiskop həbs olunub", - deyə o bildirib.
"Dindən dönən" termini ilə bağlı şərh verən yepiskop Gevork belə cavab verib: "Bizi dindən dönən adlandıran hər kəs vətəni satır; o, xaindir".
İradə SARIYEVA
