Federal Ehtiyat Sisteminin sədri Jerom Pouel ABŞ mərkəzi bankının Ədliyyə Nazirliyindən çağırış aldığını açıqlayıb.
Bakıvaxtı.az “LeMonde.fr”ə istinadən xəbər verir ki, bu, iyun ayında keçirilən dinləmələrdən birindən sonra baş verir və impiçmentə səbəb ola bilər. Lakin Fed sədrinin sözlərinə görə, bu addım, ilk növbədə, Abş prezidenti Donald Trampın quruma göstərdiyi təzyiqin bir hissəsidir. Son bir ildir ki, ABŞ prezidenti inflyasiyanın 2%-lik hədəfindən yuxarı qalmasına baxmayaraq, mərkəzi bankdan faiz dərəcələrini daha kəskin şəkildə azaltmağı xahiş edir.
Pauel mərkəzi bankın saytında yerləşdirilən videoda bunu pisləyib: "Bu təhdid mənim ifadəmlə bağlı deyil. Bu, bir bəhanədir. Təqib təhdidi Fed-in faiz dərəcələrini prezidentin seçimlərinə uyğunlaşdırmaq əvəzinə, ictimaiyyətin maraqlarına uyğun olaraq müəyyən etmək istəyinin nəticəsidir".
“NBC”yə verdiyi müsahibədə bu mövzu ilə bağlı sual verildikdə, D.Tramp bu barədə heç nə bilmədiyini deyib:
“Bunu belə etməyi ağlıma belə gətirməzdim. Hiss edilən yeganə təzyiq faiz dərəcələrinin çox yüksək olmasıdır. Bu, yeganə təzyiqdir”.
ABŞ prezidenti Fed-i Vaşinqtondakı qərargahının təmiri üçün ayrılmış büdcəyə hörmət etməməkdə, saxtakarlıq hallarının ola biləcəyinə inanmaqda və əvvəlcə planlaşdırılan 2,7 milyard dollarla müqayisədə ümumi xərcin 3,1 milyard dollar (2,6 milyard avro) olduğunu irəli sürməkdə günahlandırıb. J.Pouel isə bu rəqəmi təkzib edib. Onun sözlərinə görə, əsl sual Fed-in iqtisadi şərtlərə əsasən faiz dərəcələrini müəyyən etməyə davam edə biləcəyi, yoxsa pul siyasətinin siyasi təzyiq və hədə-qorxu ilə idarə olunmalı olub-olmamasıdır. Mən Respublikaçı və Demokrat administrasiyaları dövründə Fed-ə xidmət etmişəm. Hər dəfə qorxu və siyasi lütf olmadan, yalnız mandatımıza diqqət yetirərək, vəzifəmi yerinə yetirmişəm. Dövlət qulluğu bəzən təhdidlərə necə müqavimət göstərməyi bilmək tələb edir. Senatın məni təsdiqlədiyi işi davam etdirmək niyyətindəyəm".
Məlumat üçün bildirək ki, Fed sədrinin səlahiyyət müddəti may ayında başa çatacaq və bu, Donald Trampa onu əvəz etməyə, potensial olaraq analitiklər tərəfindən favorit hesab edilən baş iqtisadi müşaviri Kevin Haseti təyin etməyə imkan verəcək.
Aydın Baxış
