Beynəlxalq monitorinq xidməti NetBlocks ölkə üzrə əlaqənin tamamilə dayandırıldığını bildirir...
İranda internetə çıxış artıq 84 saatdan çoxdur ki, tamamilə mövcud deyil.
Poliqon xəbər verir ki, bu barədə internet azadlığı və şəbəkə bağlantılarının vəziyyətini izləyən beynəlxalq NetBlocks monitorinq xidməti məlumat yayıb.
Xidmətin açıqlamasında qeyd olunur ki, ölkə üzrə ümummilli internetin kəsilməsi 84 saatdan artıqdır davam edir. Bildirilir ki, İran ərazisində internet bağlantısı yanvarın 8-dən etibarən tam dayandırılıb. Bununla yanaşı, bəzi bölgələrdə mobil və stasionar telefon rabitəsinə də məhdudiyyətlər tətbiq edilib. Ekspertlərin fikrincə, bu addımlar hakimiyyətin ölkədə davam edən etiraz aksiyalarının koordinasiyasının qarşısını almaq məqsədi daşıyır.
Xatırladaq ki, İranda etirazlar dekabrın 28-də milli valyutanın kəskin dəyərdən düşməsi fonunda başlayıb. Aksiya iştirakçıları sosial-iqtisadi vəziyyətin pisləşməsinə və artan qiymətlərə etiraz ediblər. Hakimiyyət orqanları isə cavab olaraq təhlükəsizlik tədbirlərini sərtləşdirib, polis qüvvələri gözyaşardıcı qazdan və pnevmatik silahlardan istifadə edib.
Məlumata görə, ən kütləvi nümayişlər paytaxt Tehranda keçirilib. Ən ağır qarşıdurmalar isə ölkənin qərb və cənub-qərb bölgələrində — Malekşaha, Kermanşah və Lordegan şəhərlərində qeydə alınıb. Hüquq-müdafiə təşkilatları internetin uzun müddət kəsilməsinin məlumatların toplanmasını və hadisələrin real miqyasının müəyyən edilməsini xeyli çətinləşdirdiyini bildirir.
Poliqon.info
