Sabiq gimnast Olivya Dann - “Pittsburq Pirats” beysbol komandası oyunçusu Pol Skenesin sevgilisi və sosial şəbəkələrdə 10 milyondan çox izləyiciyə malik ulduzdur.
Publika.az xəbər verir ki, o, məşhur “Sports Illustrated Swimsuit” jurnalının modeli kimi tanınır və gənc yaşlarından idman dünyasında parlaq yol qət edib.
Olivya 2002-ci ilin oktabrında Nyu-Cersi ştatında anadan olub. Gimnastikaya yalnız 3 yaşında, anasının rəhbərliyi və şəxsi məşqçisi ilə başlayıb. Yetkin yaşlara çatanda isə idman dünyasında diqqətlər üzərində olub.
2020-ci ildə Olivya "LSU Tiqers" komandasında gimnastika üzrə Universitet Liqasında çıxış etməyə başlayıb və həmin il NCAA çempionatında debüt edib. Onun çevikliyi və performansı izləyiciləri heyran qoyub.
