Araşdırmalara görə, televizorların qiymətləri son 25 ildə 90%-dən çox ucuzlaşıb və bu, istehlakçı elektronikası bazarındakı ən diqqətçəkən trendlərdən biri hesab olunur. ABŞ Əmək Statistikası Bürosunun məlumatlarına əsasən, 2000-ci ildən bəri televizor qiymətləri əksər istehlak məhsullarından daha sürətlə düşüb.
QHT.az xəbər verir ki, qiymət azalmasının əsas səbəbləri LCD ekran istehsalının optimallaşdırılması, texnologiyaların inkişafı və bazarda rəqabətin artmasıdır. Xüsusilə Çin istehsalçıları olan Hisense və TCL kimi brendlərin daha ucuz modellərlə bazara daxil olması qiymətləri aşağı salıb. Nəticədə, 2000-ci ildə 1100 dollara satılan 50 düymlük televizoru 2025-ci ildə Qara Cümə endirimləri zamanı təxminən 200 dollara almaq mümkün olub, halbuki keyfiyyət xeyli artıb.
Bununla belə, mütəxəssislər bildirir ki, tariflər, xərclərin artması və süni intellektin təsiri gələcəkdə qiymətlərin ucuzlaşma tempini zəiflədə və ya dayandıra bilər.
R.İmanov
