“Tanımadığınız insanlara qarşı niyə bu qədər kin və nifrət dolusunuz? Rəyləri oxuyub ağlıma gələn ilk sual yalnız bu olur".
"Yeni Sabah" xəbər verir ki, bunu Sevil və Sevinc Səfərovalar "Instagram"da yazıb.
Onlar fikirlərinə bunları da əlavə edib:
“Bir neçə əsas səbəb var.... Daxili ağrı və yığılmış narazılıq... İnsan öz həyatında eşidilmədiyini, dəyər verilmədiyini hiss edəndə bu ağrı çıxış axtarır. Ən asan hədəf isə tanımadığı biridir. İkincisi, anonimlik cəsarətidir. Üz-üzə deyə bilmədiyini insanlar internetdə rahatlıqla yazır. Çünki məsuliyyət hissi azalır. Üçüncüsü, qısqanclıq və müqayisədir. Başqasının həyatı, fikri, görünüşü insanın özündə çatışmayanları xatırladır. Nifrət bəzən gizli qısqanclığın formasıdır. Empatiya çatışmazlığı var.
“Bəlkə onun da çətinliyi var” deyə düşünmək yerinə, hökm vermək daha asan gəlir. Özünü üstün hiss etmə ehtiyacı olur. Yəni başqasını alçaltmaq bəzi insanlara müvəqqəti güc hissi verir. Əslində isə xoşbəxt insan nadir hallarda nifrət saçır. Nifrət çox vaxt kömək çağırışıdır, amma yanlış dildə”.
Telegram kanalımız
