ain.az, Cebheinfo portalından verilən məlumatlara əsaslanaraq xəbər verir.
"Amerika tərəfi ilə növbəti iki həftə üçün - görüşlər, sənədlərin hazırlanması və mümkün imzalanma üçün cədvəli müzakirə etdik. Mən göstəriş verdim ki, ABŞ-dən Ukrayna üçün təhlükəsizlik zəmanətləri ilə bağlı hazırlanan sənəd üzərində iş yekunlaşdırılsın və ən yüksək səviyyədə baxılmaq üçün təqdim edilsin. Bu, tarixi əhəmiyyətə malik sənəd olmalıdır və mətnin səviyyəsi məhz budur”.
“Cebheinfo.az” xəbər verir ki, bunu Ukrayna Prezidenti Volodimir Zelenski deyib:
“Biz başa düşürük ki, Amerika tərəfi Rusiya ilə müharibəyə son qoymaq üçün əlaqə saxlayır.
Biz öz vizyonumuzu formalaşdırmışıq. Rusiyanın da müharibəni real şərtlərlə bitirməyə hazır olub-olmadığı barədə aydın rəyi olmalıdır.
Əgər belə bir hazırlıq əldə olunmazsa, Rusiyaya təzyiq güclənməlidir. Biz inanırıq ki, düzgün taktika həm kölgə donanmasının tankerləri, həm də dünyanın digər yerlərindəki marjinal rejimlərə tətbiq olunan sanksiyalardan yayınmağa kömək edən maliyyə sxemləri ilə mübarizə aparmaqdır”.
“Oxşar təcrübələr Rusiyaya da şamil edilməlidir. Əgər Rusiya müharibəni seçərsə, dünyanın cavabı onun ixrac gəlirlərinin maksimum məhdudlaşdırılması olmalıdır", - deyə o qeyd edib.
Xəzər
“Cebheinfo.az”
Problemlərinizi bizə yazın, şahidi olduğunuz hadisələri çəkib göndərin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
