Fələstin Prezidenti Mahmud Abbas Ramallahdakı al‑Istişari Arab Xəstəxanasında planlı tibbi müayinədən keçib.
Turkustan.az-ın məlumatına görə, müayinə nəticələri stabil olaraq qiymətləndirilib və Abbas xəstəxanadan sonra evinə qayıdıb.
Bəzi özəl media mənbələri əvvəlcə Abbasın təcili xəstəxanaya yerləşdirildiyi barədə məlumat yaymışdı, lakin rəsmi WAFA bu məlumatları planlı və rutin tibbi yoxlamalar kimi təsdiqləyib.
90 yaşında olan Mahmud Abbas uzun müddətdir Fələstin Milli Avtonomiyasının Prezidenti vəzifəsini icra edir. Bu müayinələr onun sağlamlıq vəziyyətinin izlənilməsi məqsədilə həyata keçirilir.
Aytən Yaşar/ Turkustan.az
